Este volume inclúe "O regreso de Sherlock Holmes", "O can dos Baskerville", "O val do terror", "O último adeus" e "O arquivo de Sherlock Holmes".
A mestría como investigador mais unha enigmática personalidade fixeron de Sherlock Holmes o detective máis famoso da literatura, que segue a engaiolar os lectores 150 anos despois da súa primeira aparición en 1887 co seu compañeiro e biógrafo, o doutor Watson.
"Sherlock Holmes anotado" recolle en dous volumes as catro novelas e os 56 contos protagonizados polos inquilinos do 221B de Baker Street, escritos á súa medida por Arthur Conan Doyle. A edición inclúe máis de 2000 notas con cumprida información sobre os personaxes e o fascinante Londres do período vitoriano, ademais de resumir as innumerables teorías e observacións que os devotos holmesianos foron deitando cos anos. Datos, curiosidades e anécdotas, que, xunto coas ilustracións orixinais da época, asinadas principalmente por Sidney Paget para a revista Strand, fan da lectura deste "Sherlock Holmes anotado" unha rica e gozosa experiencia.
![Sherlock Holmes. Cuentos completos [vol. II]](https://static.serlogal.com/imagenes_small/9788477/978847702925.jpg "Sherlock Holmes. Cuentos completos [vol. II]")
