Na torre da illa de Toralla, en plena rÃa de Vigo, aparece o cadáver dun saxofonista. O asasinato, dunha crueldade e sangue frÃo inusitados, vai ser investigado por Leo Caldas, inspector de policÃa que busca o seu lugar no mundo e que, ademais do seu traballo na comisarÃa, intervén nun consultorio radiofónico ao que os cidadáns se achegan coas queixas máis diversas. O seu axudante, Rafael Estévez, é un aragonés destinado na cidade, un elemento estraño en terra hostil cun carácter demasiado impetuoso para os seus novos veciños. O caso desenvolverase entre o ambiente cálido e nocturno dos clubs de jazz e a atmosfera tensa e afectada da alta burguesÃa viguesa. Novela policial salferida de humor e con grandes doses de suspense, Ollos de auga sitúa ao seu autor na liña de escritores que, coma Andrea Camilleri e Henning Mankell, renovan o xénero negro desde Europa cunha obra na que o interese da narración se ve acrecentado por unha visión crÃtica da sociedade. Na obra de Domingo Villar conviven certa melancolÃa coa ledicia da música e o viño branco. Unha historia de misterio zarrapicada de ironÃa, unha intriga retranqueira, unha novela negra en cores.
