El fervinchu (Premiu Xosefa Xovellanos de Novela 2020) vien a enanchar y arriquecer más tovÃaÆl singular proyectu narrativu de Sidoro Villa Costales. Los llectores de A estaya (2016), Tres beyuscos (2019) y Pielgos de llercia (2021) han reconocer de primeres la bayura de la prosa -enraigonada no más auténtico del nuestru patrimoniu llingüÃsticu pero quÆaguanta lo mesmo cualquier retu de la modernidá-, igual que van disfrutar la maña del autor polesu pa trazar topografÃes, dibuxar perfiles humanos enllenos de verdá, mover personaxes al debalu del so destÃn particular, gobernar xuntances corales, manexar situaciones hasta faceles climátiques y, al cabu, esa manera insuperable que tien de desfacer tolos enriedos nel duviellu del puntu final.
