A Illa do Covo, topónimo como se coñece a insua formada na xunqueira do Lérez, muda en Illa das Esculturas no contexto do ano Xacobeo 99. O proxecto xorde para incorporar o borde urbano ao centro histórico e cultural de Pontevedra, e a illa convértese nunha extensión ao ar libre do Museo Provincial.
A Illa das Esculturas baséase nunha simbiose entre medio ambiente e paisaxe, desenvolvendo un diálogo co espazo natural e a creatividade artÃstica. Estas mesmas premisas guiaron os autores e autoras das obras, de tal xeito que, as esculturas animan a cidadanÃa a adoitar unha nova ollada do seu tempo de lecer, pondo en relación natureza e arte. Todas as intervencións teñen como fÃo condutor a pedra de granito que xunta a tradición canteirá da bisbarra coa modernidade e cultura galega. A insua do Covo intégrase na malla urbana de Pontevedra para reconstruÃr o espazo en desuso nunha paisaxe cultural de referencia e modelo de desenvolvemento urbano sostible.
A pantasma da insua: de mañá cedo mentres fai exercicio, o protagonista olla uns códigos qr pegados ás esculturas da insua. A través deles accede a un podcast, que na primeira impresión parece aburrido. Porén, decátase que a voz metálica da gravación coñece moitas situacións da súa intimidade que só el sabe. Violación da intimidade nas redes sociais? Imposible, non é usuario. Mais ben, semella cousas de pantasmas...
