Este libriño editouse en volume no ano 1974, se ben boa parte dos capÃtulos desa primeira edición xa se publicaran, como dispersos, en 1973. Causou naquelas datas -aÃnda non morrera Franco- estrañeza ou desconcerto entre os lectores que viron no protagonista, Pedro Petouto, un mestre socialista, un curioso predicador marxistizante. O autor do libro, o profesor Xesús Alonso Montero, afirma que o señor Petouto (1840-1906) existiu, aÃnda que, en ocasións, dá a entender que o inventou para poñer na súa novelesca boca frases e cavilacións máis ou menos subversivas que a censura franquista non tolerarÃa postas na pluma dun súbdito español de 1974 que, ademais, cobraba como catedrático de literatura, do Estado.
