O señor H é mudo como a letra que o define, aínda que ninguén sabe se o é por nacemento ou por algunha decisión tomada nalgún momento da súa vida. Existen rumores que alimentan esta segunda teoría, sen dúbida máis atractiva, máis literaria se cadra. Viría dicir que por un escuro motivo ûdo que se barallan diversas causasû se impuxo a si mesmo un código de conduta que segue con rigorosidade. Sexa como for, nunca se lle oíu dicir unha palabra.
