Coa conciencia definitiva e esmagadora do noso fracaso irreparábel, sento diante do teclado por última vez para gravar o informe final, que constará neste banco de datos, relativo ao chamado " Proxecto T " . Anoto que, á beira da miña man dereita, repousan un paquete de tabaco, as chaves da miña casa á que non tornarei endexamais e un frasco con cápsulas de veleno, o máis fulminante que puiden achar nos depósitos de medicamentos deste centro. E difÃcil sobrevivir a unha soa cápsula, imposÃbel a dúas; eu tomarei xuntas as cinco que restan no frasco para acelerar a fin á que non teño xeito de fuxir e que tampouco desexo agardar máis.
