Obradoiro de Lingua Gianni Rodari
"Gramática insubordinada", preparada polo Obradoiro de Lingua Gianni Rodari tenta operativizar a utopÃa de xogar a aprender ou de aprender xogando, que tanto ten. Pretende fechar a aula ao aborrecemento converténdoa nun obradoiro de investigación activa, diverxente, disparatada e creadora. E afillada da Gramática da fantasÃa de Gianni Rodari, curmá da Psicanálise dos contos de fadas de Bruno Bettelheim, neta da MorfoloxÃa do conto de Vladimir Propp e parente de Alicia no paÃs das marabillas de Lewis Carroll. O Obradoiro de Lingua Gianni Rodari fai pedagoxÃa de pupitre. Le analizando o proceso creativo e aprópiase da estrutura dos textos de autores recoñecidos para recrealos. Escarva nas feridas máis Ãntimas, cuestiona as premisas máis sagradas da Gramática. Contos, poemas, adiviñas, palÃndromos, farfanÃas, centónsà , naceron na escrita lúdica e participativa das nosas xuntanzas. Pescudamos textos de diferente complexidade para adaptalos ás diversas idades do alumnado. Levamos os modelos á escola, vemos como funcionan e tomamos medidas. En cada proposta encontraredes o texto de partida, a recreación nosa e a das nenas e dos nenos. Velaà un acio de receitas para cociñar a Gramática. Unha escolma de métodos diversos de creación e transformación de textos. De pretextos. Un fÃo do que turrar para levar a tinta de paseo.
