Principiu dÆincertidume ye una colección de sonetos de metru borgianu, mayormente de calter introspectivu, simbólicu y metafóricu. Traten de representar el conflictu amorosu, de describir esa fantasía per mediu de filtros sentimentales, oníricos, eróticos, dÆhumor y del recuentu de les esperiencies y les zunes del suxetu poéticu. Los poemes dÆesti llibru amiesten el metru clásicu con situaciones y espresiones dÆanguaño. El títulu fai referencia a la llei dÆHeisemberg de la mecánica cuántica que diz que, nel mundu de les partícules elementales y de los átomos, el momentu o velocidá y la posición dÆestos nun se pueden midir al empar -daqué bien asemeyao a lo que-yos pasa nes sos interaiciones a los amantes-. Estrapoláu esti principiu equí: cuanto más precisa ye la situación del o de la amante, menos probabilidaes hai de saber ónde ta realmente. Y tamién lo contrario: la ausencia dÆincertidume nel destín últimu de les persones.
